బిగ్ బాస్ తెలుగు 10లో మరో ట్విస్ట్.. రోహిత్ నాయుడు రీ ఎంట్రీ..?
Bigg Boss Telugu 10: బిగ్బాస్ సీజన్-10లో రోజుకో ట్విస్ట్ జరుగుతోంది. హౌస్లోనుంచి బయటకు వెళ్లిన కంటెస్టెంట్లు తిరిగి మళ్లీ హౌస్లోకి రీ ఎంట్రీ ఇస్తున్నారు. దీంతో హౌస్మేట్స్ వివాదం మరింత ముదురుతోంది.

Bigg Boss Telugu 10: బిగ్ బాస్ తెలుగు సీజన్ 10లో రోజురోజుకూ ఉత్కంఠ పెరుగుతోంది. కంటెస్టెంట్ల మధ్య గొడవలు, ఊహించని పరిణామాలు, ఎమోషనల్ డ్రామాలతో ప్రేక్షకులకు కావాల్సినంత ఎంటర్టైన్మెంట్ లభిస్తోంది. ఇప్పటికే పది వారాలు ముగియగా, పదో వారం ఎలిమినేషన్లో శ్వేతా హౌస్ను వీడారు. ఇక పదకొండో వారం నామినేషన్ల ప్రక్రియలో బిగ్ బాస్ అనూహ్యమైన మార్పు తీసుకొచ్చారు. మాజీ కంటెస్టెంట్లకు నామినేషన్ల బాధ్యతలు అప్పగించడంతో హౌస్లో కొత్త వివాదాలు మొదలయ్యాయి. ఇదే సమయంలో ఎలిమినేట్ అయిన రోహిత్ నాయుడు రీఎంట్రీపై ప్రచారం జోరందుకోగా, మరోవైపు యాంకర్, నటి శ్రీవిద్య బిగ్ బాస్ షోపై చేసిన వ్యాఖ్యలు ఆసక్తికరంగా మారాయి.
మాజీ కంటెస్టెంట్ల చేతుల్లో నామినేషన్ల బాధ్యతలు
సాధారణంగా హౌస్లోని కంటెస్టెంట్లే ఒకరినొకరు నామినేట్ చేసుకుంటారు. కానీ ఈసారి బిగ్ బాస్ అందుకు భిన్నంగా ఆలోచించారు. మాజీ కంటెస్టెంట్లు షాలిని, అపూర్వ, మిథిలేష్ రెడ్డి, దాక్షి గుత్తికొండ, ఝాన్సీ డిక్టేటర్స్గా హౌస్లోకి అడుగుపెట్టారు. ప్రత్యేకంగా ఏర్పాటు చేసిన సింహాసనాలపై కూర్చున్న వీరు ప్రస్తుత కంటెస్టెంట్ల ఆటతీరు, ప్రవర్తన, ఇతరులతో ఉన్న సంబంధాలను పరిశీలించారు. అనంతరం తమ అభిప్రాయాల ఆధారంగా నామినేషన్లు చేపట్టారు. ఈ క్రమంలో కొందరు కంటెస్టెంట్లకు గట్టి ఎదురుదెబ్బ తగలగా, మరికొందరు తమపై వచ్చిన విమర్శలను తీవ్రంగా వ్యతిరేకించారు. నామినేషన్ల సందర్భంగా మిథిలేష్ రెడ్డి.. ముకేష్ను లక్ష్యంగా చేసుకుని చేసిన వ్యాఖ్యలు చర్చనీయాంశంగా మారాయి. స్నేహాన్ని కూడా ఒక బిజినెస్ ట్రాన్సాక్షన్లా ఉపయోగించుకుంటున్నావంటూ ముకేష్పై విమర్శలు గుప్పించాడు. ముఖ్యంగా సుధీర్తో ముకేష్ వ్యవహరిస్తున్న తీరును తప్పుబట్టాడు.
Watch BIGG BOSS Season 10 LIVE, 24×7 on JioHotstar! 👁️📺
BIGG Drama & BIGGER Nomination Showdown Await! ⚔️🔥Watch #BiggBossSeason10Telugu Mon – Fri 9:30 PM, Sat & Sun 9 PM on #StarMaa & Stream 24/7 on #JioHotstar
#StarMaaPromo https://t.co/IRtMOqrbYt
— Starmaa (@StarMaa) November 16, 2026
వర్షిణి, అపూర్వ మధ్య మాటల యుద్ధం
మరోవైపు అపూర్వ, వర్షిణి మధ్య జరిగిన వాగ్వాదం కూడా ఎపిసోడ్లో హైలైట్గా నిలిచింది. వర్షిణి మైండ్సెట్, హౌస్లో ఆమె ప్రవర్తనపై అపూర్వ తీవ్ర వ్యాఖ్యలు చేసినట్లు తెలుస్తోంది. ఈ వ్యాఖ్యలపై వర్షిణి మాత్రమే కాకుండా ముకేష్ సహా మరికొందరు కంటెస్టెంట్లు అభ్యంతరం వ్యక్తం చేశారు. దీంతో నామినేషన్ల ప్రక్రియలో ఒక్కసారిగా వాతావరణం వేడెక్కింది. మాజీ కంటెస్టెంట్ల నిర్ణయాలు ప్రస్తుత సభ్యుల్లో ఎలాంటి అసంతృప్తికి దారితీశాయో ఈ ఎపిసోడ్తో స్పష్టమైంది.
బిగ్ బాస్ హౌస్లోకి రోహిత్ నాయుడు రీఎంట్రీ..?
ఇక మంగళవారం ఎపిసోడ్పై మరో ఆసక్తికరమైన ప్రచారం నడుస్తోంది. మూడు వారాల క్రితం ఎలిమినేట్ అయిన రోహిత్ నాయుడు తిరిగి హౌస్లోకి అడుగుపెట్టనున్నాడనే వార్తలు సోషల్ మీడియాలో వైరల్ అవుతున్నాయి. అగ్నిపరీక్ష ద్వారా బిగ్ బాస్ ప్రయాణాన్ని ప్రారంభించిన రోహిత్.. తన ఆటతీరుతో కొంతమంది ప్రేక్షకుల అభిమానాన్ని సంపాదించుకున్నాడు. అయితే అతడి ఎలిమినేషన్ తర్వాత ఇప్పుడు మళ్లీ హౌస్లోకి వస్తాడనే ప్రచారం అభిమానుల్లో ఆసక్తిని పెంచుతోంది. సోషల్ మీడియాలో వినిపిస్తున్న సమాచారం ప్రకారం రోహిత్ నాయుడు సాధారణ కంటెస్టెంట్గా కాకుండా గెస్ట్ డిక్టేటర్గా హౌస్లోకి రాబోతున్నాడట. నామినేషన్ల ప్రక్రియలో పాల్గొనడంతో పాటు కొన్ని టాస్కుల్లోనూ భాగమయ్యే అవకాశం ఉంటుందని ప్రచారం జరుగుతోంది. ఒకవేళ రోహిత్ నిజంగానే హౌస్లోకి వస్తే ఎవరిని టార్గెట్ చేస్తాడు? ఎవరికి తన ప్రశ్నలతో షాక్ ఇస్తాడు? అనేది ఆసక్తికరంగా మారింది.
బిగ్ బాస్కు వెళ్లేందుకు సిద్ధమంటున్న యాంకర్ శ్రీవిద్య
ఇదిలా ఉంటే బిగ్ బాస్ షోపై మరో ఆసక్తికరమైన వార్త తెరపైకి వచ్చింది. ఇటీవల పలువురు సెలబ్రిటీలు, సామాన్యులు ఈ రియాలిటీ షోలో పాల్గొనడానికి ఆసక్తి చూపిస్తున్నారు. తాజాగా యాంకర్, జబర్దస్త్ ఫేమ్, నటి శ్రీవిద్య కూడా తనకు అవకాశం వస్తే బిగ్ బాస్కు వెళ్లడానికి సిద్ధమేనని వెల్లడించింది. డబ్బులు ఇస్తే బిగ్ బాస్కు వెళ్లడానికి తనకు ఎలాంటి అభ్యంతరం లేదని ఆమె సరదాగా వ్యాఖ్యానించింది. అవకాశం వస్తే ఎందుకు వెళ్లనని ప్రశ్నించింది. ప్రస్తుతం హైదరాబాద్లో రూమ్ రెంట్లు విపరీతంగా పెరిగిపోతున్నాయని, కనీసం కొన్ని సందర్భాల్లో చేతులు కడుక్కోవడానికి కూడా నీళ్లు దొరకడం లేదని చెప్పుకొచ్చింది. మినరల్ వాటర్తో చేతులు కడుక్కునేంత ఆర్థిక స్థోమత తనకు లేదని చమత్కరించింది. బిగ్ బాస్ నిర్వాహకుల్లో ఎవరైనా తన మాటలు విని అవకాశం ఇస్తే మూడు నెలల పాటు అక్కడే ఉండిపోతానని తెలిపింది.



