పవర్ స్టార్ ఫ్యాన్స్కు డబుల్ ధమాకా.. ఓజీకి పార్ట్ 2, పార్ట్ 3
OG Sequel Update: పవన్ కళ్యాణ్ నటించిన ఓజీ సినిమాపై బిగ్ అప్డేట్ వచ్చింది. త్వరలో ఓజీ-2ను పట్టాలెక్కించేందుకు దర్శకుడు సుజిత్ ప్రయత్నాలు చేస్తున్నట్లు సమాచారం.

OG Sequel Update: పవర్ స్టార్ పవన్ కళ్యాణ్ అభిమానులకు అదిరిపోయే వార్త. బాక్సాఫీస్ దగ్గర సత్తా చాటిన ఓజీ సినిమాకు కొనసాగింపుగా మరో రెండు చిత్రాలు రానున్నాయా..? అంటే అవుననే సంకేతాలు వినిపిస్తున్నాయి. కేవలం పార్ట్ 2 మాత్రమే కాకుండా పార్ట్ 3 కథ కూడా సిద్ధంగా ఉందన్న వార్త ఇప్పుడు సినీ వర్గాల్లో ఆసక్తిని పెంచుతోంది. ముఖ్యంగా మ్యూజిక్ డైరెక్టర్ తమన్ చేసిన వ్యాఖ్యలు పవన్ అభిమానుల్లో కొత్త ఉత్సాహాన్ని నింపాయి.
సీక్వెల్స్పై తమన్ ఆసక్తికర వ్యాఖ్యలు
సుజీత్ దర్శకత్వంలో పవన్ కళ్యాణ్ నటించిన దే కాల్ హిమ్ ఓజీ ప్రేక్షకులను విశేషంగా ఆకట్టుకుంది. గ్యాంగ్స్టర్ నేపథ్యంలో రూపొందిన ఈ చిత్రం పవన్ కెరీర్లో అత్యధిక వసూళ్లు సాధించిన సినిమాగా నిలిచింది. సినిమా విడుదలైనప్పటి నుంచే దీనికి సీక్వెల్ ఉంటుందనే ప్రచారం సాగుతోంది. తాజాగా తమన్ మాట్లాడుతూ.. ఓజీకి సంబంధించి సుజీత్ సీక్వెల్స్ను కూడా సిద్ధం చేశారని, బౌండెడ్ స్క్రిప్ట్స్ సైతం ఉన్నాయని చెప్పడంతో ఈ ప్రాజెక్టుపై అంచనాలు మరింత పెరిగాయి.
పవన్ గ్రీన్ సిగ్నల్.. సుజీత్ ప్లానింగ్ రెడీ!
నిజానికి ఓజీ రెండో భాగంపై పవన్ కళ్యాణ్ గతంలోనే ఆసక్తికరమైన విషయాలు వెల్లడించారు. దర్శకుడు సుజీత్కు సీక్వెల్ చేస్తానని మాట ఇచ్చానని, తప్పకుండా ఆ సినిమాను పూర్తి చేస్తానని చెప్పారు. అంతేకాదు, కథ డిమాండ్ చేస్తే మూడో భాగంలోనూ నటించేందుకు సిద్ధమని అప్పట్లోనే సంకేతాలిచ్చారు. మరోవైపు సుజీత్ కూడా సీక్వెల్ కోసం ప్రత్యేకంగా కసరత్తు చేసినట్లు తెలుస్తోంది. పార్ట్ 2కు సంబంధించిన స్టోరీ బోర్డ్స్ సిద్ధం చేసి పవన్కు వివరించగా, ఆయన సానుకూలంగా స్పందించినట్లు సమాచారం. దీంతో ఈ ప్రాజెక్టు ముందుకు వెళ్లేందుకు మార్గం సుగమమైనట్టుగా కనిపిస్తోంది.
ముందుగా బ్లడీ రోమియో.. ఆ తర్వాత ఓజీ 2
ప్రస్తుతం దర్శకుడు సుజీత్ నేచురల్ స్టార్ నానితో బ్లడీ రోమియో చిత్రాన్ని తెరకెక్కిస్తున్నారు. ఈ సినిమా పూర్తయిన తర్వాత ఆయన మళ్లీ ఓజీ సీక్వెల్ పనులపై దృష్టి పెట్టనున్నారని సమాచారం. అయితే పవన్ కళ్యాణ్ ప్రస్తుతం రాజకీయ బాధ్యతలతో పాటు సినిమాలతోనూ బిజీగా ఉన్నారు. అందుకే ఆయన అందుబాటులో ఉండే సమయాన్ని బట్టి షూటింగ్ షెడ్యూల్స్ రూపొందించే అవకాశం ఉంది.
వచ్చే మార్చిలో ప్రారంభం కానుందా?
ఓజీ 2కు సంబంధించి మరో ఆసక్తికరమైన ప్రచారం కూడా వినిపిస్తోంది. వచ్చే మార్చిలో ఈ సినిమా పూజా కార్యక్రమాలతో ప్రారంభం కావచ్చని సినీ వర్గాల్లో టాక్ నడుస్తోంది. ఆ తర్వాత పవన్ కళ్యాణ్ తనకు వీలైనప్పుడల్లా షూటింగ్లో పాల్గొంటారని తెలుస్తోంది. మొదటి భాగానికి కూడా పవన్ ఇదే విధంగా డేట్స్ కేటాయించి సినిమాను పూర్తి చేశారు. ఇప్పుడు సీక్వెల్ విషయంలోనూ అదే విధానాన్ని అనుసరించే అవకాశాలు కనిపిస్తున్నాయి.
ఈసారి కథ మరింత భిన్నంగా ఉంటుందా..?
మొదటి భాగంలో పవన్ను పవర్ఫుల్ గ్యాంగ్స్టర్ పాత్రలో చూపించిన సుజీత్, తదుపరి భాగాల్లో కథను మరో స్థాయికి తీసుకెళ్లేలా ప్రణాళికలు సిద్ధం చేస్తున్నారట. పార్ట్ 2, పార్ట్ 3 కథల్లో కొత్త కోణాలు, ఆసక్తికరమైన మలుపులు ఉండనున్నాయని ప్రచారం జరుగుతోంది. మొత్తానికి ఓజీ సీక్వెల్స్పై వస్తున్న వరుస అప్డేట్స్ పవన్ అభిమానుల్లో భారీ అంచనాలను పెంచుతున్నాయి. పార్ట్ 2 ఎప్పుడు సెట్స్పైకి వెళ్తుంది? పార్ట్ 3 ఎలాంటి కథతో తెరకెక్కుతుంది..అనే ఆసక్తి అందరిలోనూ నెలకొంది. అయితే ఈ ప్రాజెక్టులకు సంబంధించిన అధికారిక ప్రకటన వచ్చే వరకు మరికొంతకాలం వేచి చూడాల్సిందే.



