పోరపాటుపై రణ్‌బీర్ వివరణ..
Ranbir Kapoor: బాలీవుడ్ ప్రముఖ నటుడు రణ్‌బీర్ కపూర్ దసరా వేడుకల్లో నోరు జారారు. కోల్‌కతాలో జరిగిన దసరా వేడుకలో తాను పొరపాటున మాట్లాడానని చెప్పారు. చెడుపై మంచి సాధించిన విజయానికి చిహ్నమైన పండుగ స్ఫూర్తిని తప్పుగా చెప్పే ఉద్దేశం తనకు లేదని స్పష్టం చేశారు. చెన్నైలో జరిగిన ‘రామాయణ’ ప్రమోషన్‌లో రణవీర్‌ వివరణ ఇచ్చారు. నితీశ్ తివారీ దర్శకత్వంలో రణ్‌బీర్ కపూర్ శ్రీరాముడి పాత్రలో నటిస్తున్న ‘రామాయణ’ సినిమా ప్రచారంలో భాగంగా, అక్టోబర్ 20న కోల్‌కతాలోని సాల్ట్ లేక్ సెంట్రల్ పార్క్‌లో “రామ్ ఎర్ అయోధ్య” పేరుతో దసరా కార్యక్రమాన్ని నిర్వహించారు. ఈ కార్యక్రమంలో పాల్గొన్న రణ్‌బీర్, పండుగ ప్రాముఖ్యత గురించి మాట్లాడుతూ పొరపాటున “చెడు ఎంత శక్తిమంతమైనదైనా, చివరికి సత్యం, మంచితనానికే అంతం జరుగుతుంది” అని అర్థం వచ్చేలా హిందీలో మాట్లాడారు. చెడుపై మంచి గెలుస్తుందనే దసరా సందేశానికి ఇది పూర్తిగా విరుద్ధంగా ఉండటంతో సోషల్ మీడియాలో విమర్శలు వెల్లువెత్తాయి.
ఈ ఘటన జరిగిన మరుసటి రోజే చెన్నైలో జరిగిన ‘రామాయణ’ చిత్ర ఆల్బమ్ విడుదల కార్యక్రమంలో రణ్‌బీర్ ఈ వివాదంపై స్పందించారు. తన సహనటి సాయి పల్లవితో కలిసి వేదికపైకి వచ్చిన ఆయన, ” దసరా వేడుకలో జరిగిన పొరపాటుకు క్షమాపణలు కోరుతున్నాను. అది కేవలం నోరు జారడం వల్లే జరిగింది తప్ప మరో ఉద్దేశంలేదు” అని వివరించారు. తాను చెప్పాలనుకున్న అసలు విషయం “చెడు ఎంత శక్తిమంతమైనదైనా, అంతిమంగా విజయం సాధించేది సత్యం, మంచితనమే” అని ఆయన స్పష్టం చేశారు. ఈ సందర్భంగా తన పాత చిత్రం ‘రాక్‌స్టార్’లో ఏ.ఆర్. రెహమాన్ స్వరపరిచిన “జో భీ మై కెహనా చాహూ, బర్బాద్ కరే అల్ఫాజ్ మేరే” అనే పాటను గుర్తుచేసుకున్నారు. తన పరిస్థితి అలాగే ఉందని చమత్కరించారు. ఈ పొరపాటు ఉద్దేశపూర్వకంగా జరిగింది కాదని క్లారిటీ ఇచ్చారు. రణ్‌బీర్ కపూర్ రాముడిగా, యశ్ రావణుడిగా నటిస్తున్న ‘రామాయణ’ చిత్రంపై దేశవ్యాప్తంగా నవంబర్ 5న విడుదల కానుంది. రాముడి పాత్రను పోషిస్తున్న నటుడే దసరా పండుగపై తప్పుడు వ్యాఖ్యలు చేయడం చర్చనీయాంశమైనప్పటికీ, ఆయన వెంటనే స్పందించి క్షమాపణలు చెప్పడంతో వివాదం సద్దుమణిగింది.
