పాన్ ఇండియా స్టార్, బాహుబలి ప్రభాస్ నటించే సలార్ కి సంబంధించిన కీలక అప్ డేట్ వచ్చేసింది. సలార్ సినిమా ట్రైలర్ కోసం ప్రభాస్ అభిమానులు ఎంతో ఆసక్తిగా ఎదురుచూస్తున్న సంగతి తెలిసిందే. ఈ మూవీ ట్రైలర్ రిలీజ్ డేట్ అనౌన్స్ మెంట్ వచ్చేసింది. ‘సలార్: పార్ట్ 1 – సీజ్‍ఫైర్’ చిత్రంపై భారీ అంచనాలు ఉన్నాయి. ఈ సినిమా కోసం ప్రభాస్ అభిమానులు చాలా ఆత్రుతగా ఎదురుచూస్తున్నారు. ఈ చిత్రం రికార్డులన్నీ బద్దలుకొడుతుందని ఆశిస్తున్నారు. కేజీఎఫ్ చిత్రాల డైరెక్టర్ ప్రశాంత్ నీల్ ఈ సలార్‌కు దర్శకత్వం వహిస్తుండడం వల్ల కూడా క్రేజ్ ఏర్పడింది. సెప్టెంబర్ 28న ‘సలార్: పార్ట్ 1 – సీజ్‍ఫైర్’ ప్రపంచవ్యాప్తంగా గ్రాండ్‍గా రిలీజ్ కానుంది. సలార్ సీజ్‍ఫైర్ మూవీ ట్రైలర్ రిలీజ్‍కు చిత్ర యూనిట్ డేట్ ఖరారు చేసిందని, ఈ ఆదివారం అది విడుదల అవుతుందని తెలుస్తోంది.
