పాన్ ఇండియా స్టార్‌ ప్రభాస్ కొత్త సినిమా సలార్ గురించి ఎప్పుడు అప్ డేట్ వస్తుందా అని అంతా ఎదురుచూస్తున్నారు. ప్రభాస్ హీరోగా ప్రశాంత్ నీల్‌ దర్శకత్వం వహిస్తున్న చిత్రం ‘సలార్: సీజ్‌ ఫైర్‌’ భారీ బడ్జెట్ తో యాక్షన్ థ్రిల్లర్‌గా రూపొందుతుంది. క్రిస్మస్‌ కానుకగా డిసెంబర్‌ 22న ఇది విడుదల కానుంది. దీపావళి పర్వదినాన్ని పురస్కరించుకుని ఆదివారం ఉదయం ఓ క్రేజీ అప్‌డేట్‌ ఇచ్చారు సలార్ మూవీ మేకర్స్‌. డిసెంబర్‌ 1వ తేదీ రాత్రి 7.19 గంటలకు ‘సలార్’ చిత్రం ట్రైలర్ విడుదల చేస్తామని ప్రకటించారు. ఈ విషయాన్ని తెలియజేస్తూ కొత్త పోస్టర్‌ రిలీజ్‌ చేశారు మేకర్స్‌.క్రేజీ కాంబినేషన్‌లో రూపొందుతోన్న ‘సలార్’ మూవీకి సంబంధించిన టాకీ పార్టును చిత్ర యూనిట్ ఇటీవలే విజయవంతంగా కంప్లీట్ చేసుకుంది. ఇప్పుడు పోస్ట్ ప్రొడక్షన్ వర్క్ జరుగుతోందని చెబుతున్నారు. ఫస్ట్ పార్ట్ ‘సలార్: సీజ్‌ఫైర్‌’ పేరుతో విడుదల కాబోతుంది. ట్రైలర్ కోసం 20 రోజులు ఆగాల్సిందే.
