ఖమ్మం జిల్లాలోని పాలేరు నియోజకవర్గం నుంచే షర్మిల పోటీ చేయబోతున్నారు. గురువారం నాడు తెలంగాణ అసెంబ్లీ ఎన్నికలకు సంబంధించి లోటస్ పాండ్‌లో వైస్సార్టీపీ కీలక నేతలతో షర్మిల అత్యవసర భేటీ అయ్యారు. ఈ సమావేశంలో పలు కీలక అంశాలపై చర్చించినట్లు తెలుస్తోంది. ప్రధానంగా అసెంబ్లీ ఎన్నికలకు ఎలాంటి కార్యాచరణ రూపొందించాలనే అంశంపై పార్టీ క్యాడర్‌తో చర్చిస్తున్నారు. ఈరోజు నుంచే ఎన్నికల బరిలోకి దిగేలా షర్మిల ప్లాన్ చేసుకుంటున్నారు. అసెంబ్లీ ఎన్నికల్లో పోటీ.. ప్రచారంపై కార్య కర్తలకు దిశానిర్దేశం చేశారు. మిర్యాలగూడ, పాలేరు సీట్లలో ఒకచోట పోటీచేయాలని భావించినా చివరకు పాలేరుని ఎంపిక చేసుకున్నారు. కాంగ్రెస్ పార్టీలో విలీనం అంశం కథ కంచికి చేరింది. వివిధ కారణాల వల్ల షర్మిల పార్టీని కాంగ్రెస్ లో విలీనం చేయలేదు.