తెలుగు జాతి ఇలవేల్పు సర్గీయ నందమూరి తారకరామారావుని అంతా స్మరించుకుంటున్నారు. ఇవాళ ఆయన శతజయంతి వేడుకలు ఘనంగా జరుగుతున్నాయి. రాష్ట్రపతి భవన్‌లో ఎన్టీఆర్ స్మారక నాణేన్ని రాష్ట్రపతి ద్రౌపది ముర్ము విడుదల చేశారు. ఈ కార్యక్రమంలో ఏపీ మాజీ ముఖ్యమంత్రి, టీడీపీ అధినేత చంద్రబాబు, ఏపీ బీజేపీ చీఫ్, ఎన్టీఆర్ కుమార్తె పురందేశ్వరి, దగ్గుబాటి వెంకటేశ్వర్లు, నటుడు బాలకృష్ణ, చంద్రబాబు కోడలు, బాలయ్యబాబు కూతురు నారా బ్రాహ్మణి, ఎన్టీఆర్ కుటుంబ సభ్యులు పాల్గొన్నారు.అలాగే టీడీపీ ఎంపీలు కనకమేడల రవీంద్ర కుమార్, గల్లా జయదేవ్, కేశినేని నాని, రామ్మోహన్ నాయుడు, ఎంపీ రఘురామ కృష్ణరాజు, బీజేపీ ఎంపీ సీఎం రమేష్, మాజీ ఎంపీ సుజనా చౌదరి, కంభంపాటి రామ్మోహన్ రావు, బాలకృష్ణ, అశ్విని దత్, బీజేపీ జాతీయ కార్యదర్శి సత్యకుమార్ తదితరులు ఎన్టీఆర్ స్మారక నాణెం విడుదల కార్యక్రమానికి హాజరయ్యారు.
ఈ సందర్భంగా ఎన్టీఆర్ ని అంతా స్మరించుకున్నారు. ఇదిలా ఉంటే.. బీజేపీ జాతీయ అధ్యక్షుడు జగత్ ప్రకాష్ నడ్డాతో టీడీపీ అధ్యక్షుడు చంద్రబాబునాయుడు చర్చలు జరిపారు. దేశ రాజకీయాలతో పాటు, ఏపీ రాజకీయాలపై ఇద్దరు నేతల మధ్య భేటీ జరిగిందని సమాచారం.
