వానాకాలం మరింతగా పెరిగింది. వరుణుడు తన ప్రతాపం చూపిస్తున్నాడు. గత నాలుగు రోజులుగా తెలంగాణ వ్యాప్తంగా విస్తారంగా వర్షాలు కురుస్తున్న సంగతి తెలిసిందే. వాగులు, వంకలు ఏకం అవుతున్నాయి. ఈ వర్షాలు మరో మూడు రోజులు ఉండనున్నాయని వాతావరణ శాఖ తెలిపింది. గురువారం కూడా తేలికపాటి నుంచి మోస్తరు వర్షాలు కురిసే అవకాశం ఉందని వాతావరణ శాఖ అధికారులు వెల్లడించారు. ఆదిలాబాద్, కుమురం భీం, ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి, సిద్దిపేట, కామారెడ్డి జిల్లాల్లో భారీ వర్షాలు పడతాయని, అధికారులు, ప్రజలు అప్రమత్తంగా ఉండాలని అధికారులు హెచ్చరించారు. అవసరం అయితేనే బయటకు వెళ్లాలని, వాగులు, వంకలు, నదులున్న చోట అప్రమత్తంగా ఉండాలని అధికారులు ప్రజలను హెచ్చరించారు.