దేశవ్యాప్తంగా రాజకీయాలకు అతీతంగా కేంద్ర ప్రభుత్వం మేరీ మాటి.. మేరా దేశ్ కార్యక్రమం కొనసాగిస్తుందని బీజేపీ రాష్ట్ర అధ్యక్షుడు, కేంద్ర మంత్రి కిషన్ రెడ్డి అన్నారు. 75 సంవత్సరాల ఆజాద్ కీ అమృత్ మహోత్సవ సందర్భంగా ఈ కార్యక్రమాన్ని ప్రధాని మోడీ చేపట్టారు. గ్రామ స్థాయి నుండి పట్టణ స్థాయి వరకు ప్రతి ఒక్కరూ ఈ మట్టి సేకరణ కార్యక్రమంలో పాల్గొనాలి. స్వాతంత్రం కోసం పోరాడిన మహా నేతల ఇండ్లకు వెళ్ళి మట్టిని సేకరించాలి. అక్టోబర్ 31 సర్దార్ వల్లభాయ్ పటేల్ జయంతి సందర్భంగా ఈ కార్యక్రమం ముగుస్తుంది. కర్తవ్య పథ్ లో ప్రధాని మోడీ స్వయంగా ఈ కళశాలను స్వీకరిస్తారు. ఈ మట్టితోనే ఢిల్లీ లో అమరవీరుల స్మారక స్థూపాన్ని నిర్మిస్తున్నారు. తెలంగాణలో రాజకీయాలకతీతంగా ప్రతి ఒక్కరూ ఈ కార్యక్రమంలో భాగస్వామం కావాలని అయన పిలుపు నిచ్చారు.