దక్షిణ మధ్య రైల్వేలో ప్రయాణికుల రద్దీ భారీగా ఉంటుంది. అయితే కొన్ని సాంకేతిక కారణాల వల్ల పలు రైళ్ళను రద్దు చేశారు అధికారులు. విజయవాడ రైల్వే డివిజన్‌లోని అనకాపల్లి–తాడి సెక్షన్ల మధ్య జరుగుతున్న ట్రాఫిక్‌ బ్లాక్‌ పనుల కారణంగా ఈ నెల 30 నుంచి సెప్టెంబర్‌ 3వ తేదీ వరకు పలు రైళ్లను పూర్తిగా, మరి కొన్నింటిని పాక్షికంగా రద్దు చేస్తున్నట్లు రైల్వే అధికారులు ఒక ప్రకటనలో తెలిపారు.రద్దయిన రైళ్ళ విషయానికి వస్తే.. మచిలీపట్నం–విశాఖపట్నం (17219) రైలు ఈ నెల 30 నుంచి సెప్టెంబర్‌ 3 వరకు, విశాఖపట్నం–మచిలీపట్నం (17220) రైలు ఈ నెల 31 నుంచి సెప్టెంబర్‌ 4 వరకు, విజయవాడ–విశాఖపట్నం (22702/22701) రైళ్లు సెప్టెంబర్‌ 2, 4 తేదీల్లో, రాజమండ్రి–విశాఖపట్నం (07466/07467), గుంటూరు–విశాఖపట్నం (17239), కాకినాడ పోర్టు–విశాఖపట్నం (17267/17268) రైళ్లు సెప్టెంబర్‌ 4న, విశాఖపట్నం–గుంటూరు (17240) రైలు సెప్టెంబర్‌ 5న రద్దు చేశారు.తిరుపతి–విశాఖపట్నం (22708) రైలు సెప్టెంబర్‌ 1, 3 తేదీల్లో, విశాఖపట్నం–తిరుపతి (22707) సామర్లకోట–విశాఖపట్నం మధ్య సెప్టెంబర్‌ 3, 5 తేదీల్లో, విజయవాడ–విశాఖపట్నం (12718/12717) రైళ్లు విశాఖపట్నం–­అ­నకాపల్లి మధ్య ఈ నెల 31 నుంచి సెప్టెంబర్‌ 4వ తేదీ వరకు పాక్షికంగా రద్దు చేశారు. ఈవిషయాన్ని ప్రయాణికులు గమనించాలని కోరారు.