తెలంగాణలో నిరుద్యోగులకు గుడ్ న్యూస్ అందించింది ప్రభుత్వం. ఎంతో కాలంగా ఎదురు చూస్తున్న డీఎస్సీ నోటిఫికేషన్‌ విడుదల చేసింది. నేడు టీఆర్టీ నోటిఫికేషన్‌ను విద్యాశాఖ మంత్రి సబితా ఇంద్రారెడ్డి విడుదల చేశారు. ఈ నోటిఫికేషన్ ద్వారా 5089 పోస్టులను ప్రభుత్వం భర్తీ చేయనుంది. దీనిని డీఎస్సీ ద్వారా విడుదల చేస్తున్నామని సబిత తెలిపారు.రెండు రోజుల్లో నోటిఫికేషన్ విడుదలతో పాటు విధి విధానాలు విడుదల చేస్తామని విద్యాశాఖ మంత్రి సబితా ఇంద్రారెడ్డి వెల్లడించారు. తెలంగాణలో వరుస ఉద్యోగాల నోటిఫికేషన్లతో నిరుద్యోగుల్లో ఆశలు చిగురిస్తున్నాయి.గతంలో నిర్వహించిన పరీక్షలు లీకేజీల కారణంగా రద్దయ్యాయి. దీంతో నిరుద్యోగుల ఉద్యోగాల కోసం ఆశగా ఎదురుచూస్తున్నారు. టీఆర్టీ ద్వారా పోస్టుల భర్తీ పారదర్శకంగా, సమర్థంగా చేపట్టాలని నిరుద్యోగులు కోరుతున్నారు.