హైదరాబాద్ పేరు చెప్పగానే ఉబ్బసం రోగులకు చేప మందు పంపిణీ చేసే బత్తిని హరినాథ్ గౌడ్ గుర్తుకు వస్తారు. అనారోగ్యంతో ఆయన మృతి చెందారు. హైదరాబాద్‌లోని పాతబస్తీలో నివాసముంటున్న ఆయన తన నివాసంలోనే తుది శ్వాస విడిచారు. కొంతకాలంగా హరినాథ్ గౌడ్ అనారోగ్యంతో బాధ పడుతున్నారు. పరిస్థితి విషమించడంతో గత రాత్రి మరణించారు. బత్తిని హరినాథ్ గౌడ్ అనగానే చేప మందు గుర్తుకు వస్తుంది. కొద్ది రోజుల క్రితం అంటే మృగశిర కార్తె సందర్భంగా ఆయన చేపమందు పంపిణీ చేశారు. నేటి సాయంత్రం ఆయన అంత్యక్రియలు జరగుతాయని కుటుంబ సభ్యులు తెలిపారు.