వంటగదిలో టమోటా దూరమయి చాలా రోజులు అయింది. వినియోగదారులను నెలరోజులుగా గజగజలాడించిన టమోటా ధరలుఎట్టకేలకు దిగి వస్తున్నాయి. కర్నాటకలో టమోటాల ధర అందుబాటులోకి వస్తోంది. కోలారు, చిక్కబళ్లాపుర జిల్లాల ఏపీఎంసీ మార్కెట్లకు మూడు రోజులుగా టమోటా భారీగా తరలివస్తోంది. 15 కిలోల టమోటా బాక్స్‌ ధర వెయ్యి రూపాయలకు పైగా తగ్గింది. ఫలితంగా రిటైల్‌ మార్కెట్‌లో మూడు రోజుల క్రితం వరకు కిలో రూ.120పై చిలుకు పలికిన టమోటా ధర ప్రస్తుతం రూ.80-90 మధ్య ఉంది. అయితే నాణ్యమైన టమోటా ధర ఇంకా రూ.100కుపైగానే ఉందంటున్నారు వ్యాపారులు. మరో వారం రోజుల్లో మార్కెట్‌కు మరింత టమోటా పంట తరలిరావచ్చునని అంచనా వేస్తున్నారు. వారంరోజుల్లో టమోటా ధర మరింత తగ్గే అవకాశం ఉందని వ్యాపారులు చెబుతున్నారు. ఆగస్టు రెండో వారం నాటికి 50-60 రూపాయలకు చేరుతుందని అంటున్నారు. మరోవైపు ఉల్తి ధర కొంచెం కొంచెం పెరుగుతోంది.