స్కిల్ డెవలప్మెంట్ కేసులో చంద్రబాబుకు రిమాండ్ పొడిగించింది కోర్టు….నవంబర్-01 వరకూ రిమాండ్‌ పొడిగిస్తున్నట్లు న్యాయమూర్తి తీర్పు చెప్పారు. అంతకుముందు చంద్రబాబు రిమాండ్ పొడిగింపుపై ఏసీబీ కోర్టులో సుదీర్ఘ వాదనలు జరిగాయి. చంద్రబాబు ఆరోగ్యం గురించి న్యాయమూర్తి పలు విషయాలు ఆరా తీశారు. రాజమండ్రి సెంట్రల్ జైలులో తన భద్రతకు సంబంధించి పలు సందేహాలను చంద్రబాబు న్యాయమూర్తికి వివరించారు. ఎటువంటి సందేహాలున్నా రాతపూర్వకంగా తమకు తెలపాలని, అవసరమయితే స్పష్టమయిన ఆదేశాలు జారీచేస్తానన్నారు. హైకోర్టులో స్కిల్ కేసు పెండింగులో ఉందని.. రిమాండ్ పొడిగిస్తున్నామని చంద్రబాబుకి తెలిపారు జడ్జి. సరేనంటూ తలఊపారు చంద్రబాబు.చంద్రబాబు రాసే సందేహాలకు సంబంధించి లేఖను తనకు పంపించాలని జైలు అధికారులను జడ్జి ఆదేశించారు.